في كل جمعة، بكل لمّة، دايمًا في كرسي أبيض بالبداية… وبالنهاية ما بيضل فاضي.   ستيكر بسيط، على شكل كرسي بلاستيك أبيض… بس وراه صوت عيلة، ريحة منسف، أطفال بيلعبوا، وكبار بيحكوا حكايات من أيام الطيبين. الكرسي هاد مو مجرد كرسي هو مقعد لأي حدا قلبه واسع، بيستنى، بيشارك، ودايمًا إله مكان.   تفاصيل الستيكر:   المقاس:  2 inches – بحجمه الصغير، بيحمل لمة كبيرة التشطيب:  غير لامع – ناعم ومريح، زي القعدة عليه   حطّه على دفترك، لابتوبك، أو حتى باب الثلاجة… وخلي دايمًا عندك محل فاضي لحدا بتحبه، أو ذكرى بدك اتضل قريبة.   ليش صمّمته؟   هو الشاهد الأول عاللمّة، والضيف الدائم بكل قعدة. هو اللي دايمًا بنطلّع عليه وبنقول: "جيب كرسي!" أو "نزل الكراسي من السطح!"    صمّمته لأنه هاد الكرسي سمع سوالف جدّي، شال صحن منسف، واحتضن ضحكة عمّة،   و نقاش ما بين خالين ما اتفقوا على فريقهم المفضّل.   كرسي بسيط، بس فيه ريحة البيت، والكرسي أسهل مين عمل اللمّة.بس جرّه من محل لمحل،  عشان الكل يقعد، والكل يحكي، والكل يضحك. صمّمته عشان ما ننسى…  إنّه أحياناً أبسط الأشياء، بتكون هي أكتر الأشياء بتجمعنا.