يتم حساب التوصيل عند الدفع
Delivery is calculated at checkout
الشارقة... مش مجرد مكان عشنا فيه، هي البيت اللي كبرنا بين حيطانه وشوارعه.
حكاية طفولة وذكريات تركت بصمتها بقلبنا قبل ما تكبر معنا، ونسمة بحر بتذكرنا بأيام الهدوء والدفا.
مجموعج ستيكرات "طوابع الشارقة" مصمم على شكل طوابع بريدية بتوثق معالم بنحبها وبتعني لنا كثير؛ من دولاب "عين الإمارات" اللي كنا نركبه ونفرح فيه وإحنا صغار، للإنارة المميزة اللي بتضوّي شوارعها بالليل، وشجر النخل اللي ربينا تحت ظله. طوابع بتحكي عن مدينة احتضنتنا وصارت جزء من هويتنا، حتى لو جواز سفرنا بحكي قصة تانية.
تفاصيل المجموعة:
العدد: مجموعة من 6 ستيكرات بتصميم طوابع بريدية
المقاسات:4 ستيكرات بمقاس 2 inch ، و ستيكرين كبار بمقاس 3 inch
التشطيب: جودة عالية ومقاومة للماء والخدش، بتفاصيل واضحة وألوان دافية
حطّهم على لابتوبك، أيبادك، أو دفتر يومياتك... وخلّي زوايا الشارقة وروحها الحلوة قريبة منك وين ما رحت.
ليش صمّمته؟
صمّمته كتحية حب وامتنان للمدينة اللي ربيت فيها. كأردنية عاشت تفاصيل طفولتها وشبابها هون، حسيت إنه الشارقة بتستحق توثيق يشبه روحها الهادية والأصيلة.
حبيت أجمع شوارعها ومعالمها بتصاميم طوابع صغيرة، ترسل سلام وحنين لكل حدا عاش فيها أو مر منها وحسّ إنه بيوم من الأيام... لقى فيها وطن ثاني.
